Saturday, November 13, 2010

IMT ....Lets go...

IMT ki galiyon me har raat savera hota hai,
Ek sutta ek chai bina ab kahan ye jeena hota hai,
Kuch dost miley, kuch baat hui ,sab jag simta is aangan mein,
Ek pal hi kahaan ab umar kategi in yaadon ke aanchal mein.

Global gyaan ki is ganga me tum bhi ab snaan karo,
Kotler porter chodo aakar practically dhyaan karo,

Kuch aashayein kuch ummedein har waqt hamare saath rahein,
Khaali jeb ki himmat par ham laakh take ki baat karein,
Har jeet sahi har haar sahi ham aaj bhi bhasad machate hain,
Amphi ki har ek jang me ham seena taane jaate hain,

Global gyaan ki is ganga me tum bhi ab snaan karo,
Kotler porter chodo akar practically dhyaan karo,

Lovers lane ki har aahat par pyaraa sa ek tanz kasey,
Har rishta kuch kahtaa hai ham usme apni aah bharein,
Kuch rooth gaye kuch maan gaye or Alum ban ke saath rahe,
Un rishton ne he jod rakha aur yaadein ban kar khub chubhe,

Global gyaan ki is ganga me tum bhi ab snaan karo,
Kotler porter chodo akar practically dhyaan karo,

Mein aaj kahin,tum aaj kahin,ek dor bandhi hai anjaani,
Laut aana mere paas kabhi har baat lagegi pehchani,
Yadein meri hain saath rahengi dil ke kisi ek kone me,
IMT ke har nukkad ka pata likha hai seeney me,

Global gyaan ki is ganga me tum bhi ab snaan karo,
Kotler porter chodo akar practically dhyaan karo,

8 comments: